nishchalam.blogspot.com

Friday, 31 October, 2008

മണികണ്ഠന്‍

Manikandan
എന്താ ഇതിന്റെയൊരു സ്വാദ്! ;-)


പത്തിരുപത് വര്‍ഷങ്ങള്‍ക്കു മുന്‍പ് നാട്ടിന്‍പുറങ്ങളിലെ മിക്ക വീടുകളിലും പശുക്കളെ വളര്‍ത്തിയിരുന്നല്ലോ... എന്റെ വീട്ടിലുമുണ്ടായിരുന്നു ഒരു പശു. എനിക്ക് ഓര്‍മ്മയില്‍ ആദ്യം വരുന്നത് ‘ഗോമതി’ എന്ന പശുവാണ്. കറുത്തിട്ട്, അവിടെയുമിവിടെയും വെള്ള പുള്ളികളുള്ള ഒരു പശു. പിന്നീട് ഗോമതിയുടെ മകളായ ‘സീത’യായി ആസ്ഥാന പശു. തവിട്ട് നിറത്തില്‍, നെറുകയിലൊരു പുള്ളിയുമൊക്കെയായി ഒരു സുന്ദരി പശുവായിരുന്നു സീത. സീതയ്ക്ക് ഉണ്ടായത് ഒരു കാളക്കിടാവായിരുന്നു, ‘മണികണ്ഠന്‍’ എന്നാണ് ഞാനവനെ വിളിച്ചിരുന്നത്. കഴുത്തിലൊരു ചിലങ്കമണിയൊക്കെയിട്ട് അവിടെയുമിവിടെയുമൊക്കെ അവനിങ്ങനെ ഓടി നടക്കും, കൂട്ടത്തില്‍ ഞാനും. തൊടിയിലവന്‍ കിടക്കുമ്പോള്‍, അവന്റെ പുറത്ത് ചാരിക്കിടന്നതൊക്കെ ഇന്നും എന്റെ ഓര്‍മ്മയിലുണ്ട്. അവനെ അഴിച്ചു വിട്ട് പാലു കുടിപ്പിച്ചതിന് ഞാനെത്ര വഴക്കു കേട്ടിരിക്കുന്നു. പിന്നീടൊരു ദിവസം അവനെഴുനേല്‍ക്കാതായി. പിന്നെ, പിന്നെ ആഹാരവും, വെള്ളവുമൊന്നും കഴിക്കാനാവാതെ വല്ലാതെ വിഷമിച്ചു. ഒടുവില്‍ ഒരു വൈകുന്നേരം അവനങ്ങ് പോയി! കറവ നിന്നപ്പോള്‍ സീതയേയും ആര്‍ക്കോ കൊടുത്തു. പിന്നെ ഞങ്ങളുടെ വീട്ടില്‍ പശുവുണ്ടായിട്ടില്ല.

കഴിഞ്ഞ ഒരു യാത്രക്കിടയിലാണ് മറ്റൊരു കാളക്കുട്ടനെ കണ്ടുമുട്ടിയത്. പുല്ലൊക്കെ ആസ്വദിച്ച് തിന്നു നില്‍ക്കുകയായിരുന്നു ഈ വിരുതന്‍. കഴുത്തില്‍ മണിയില്ലെന്നതൊഴിച്ചാല്‍, ഇവന്‍ എന്റെ മണികണ്ഠന്‍ തന്നെയല്ലേ!!!

Image Details
Make : Canon
Model : Canon PowerShot S3 IS
Color : sRGB
Shutter Speed : 1/160 sec.
Lens Aperture : F/3.5
Focal Length : 34.3 mm
Date Picture Taken : 25/10/2008 12:14 PM
Flash : Not Used

--

Friday, 1 February, 2008

മുത്തച്ഛന്‍

Muthachan - Kathakali Singer


മാധവന്‍ ഭട്ടതിരി: എന്റെ മുത്തച്ഛന്‍. അത്രയൊന്നും അറിയപ്പെടാത്ത ഒരു കഥകളി ഗായകനുമാണ് അദ്ദേഹം. വളരെ വൈകി കഥകളി സംഗീതം അഭ്യസിച്ച അദ്ദേഹം നല്പതാമത്തെ വയസിലാണ് അരങ്ങേറുന്നത്. പ്രായം വളരെയായെങ്കിലും, ഇപ്പോളും അരങ്ങിലെത്തുവാന്‍ കൊതിക്കുന്ന ഒരു മനസുമായാണ്‌‍ ജീവിക്കുന്നത്. ശബ്ദസൌകുമാര്യം കുറഞ്ഞതും, പദങ്ങള്‍ തോന്നിക്കാത്തതും, താളം പോവുന്നതും, ചേങ്കില കൈയിലേന്തി അധികനേരം നില്‍ക്കുവാന്‍ ആരോഗ്യം അനുവദിക്കാത്തതുമൊന്നും അദ്ദേഹത്തിന് പ്രശ്നമായി തോന്നുന്നില്ല! മനസാഗ്രഹിക്കുന്നയിടത്ത് ശരീരമെത്തുന്നില്ല എന്നത്, ഒരുപക്ഷെ അദ്ദേഹത്തിന് അറിയാത്തതുമാവാം. മറവിയുണ്ടെങ്കിലും, അരങ്ങിലെ ചിട്ടകളെക്കുറിച്ചും, പ്രയോഗരീതികളെക്കുറിച്ചുമെല്ലാം പഠിച്ച് അരങ്ങിലെത്തിയ ഒരാളായതിനാല്‍ തന്നെ, കഥകളിയെക്കുറിച്ച് ആധികാരികമായി സംസാരിക്കുവാന്‍ അറിവുള്ള ഒരാളാണ് അദ്ദേഹം. അടുത്തിടെ ഒരു അരങ്ങിലും അദ്ദേഹം ആവേശത്തില്‍ കയറി പാടുകയുണ്ടായി. അപ്പോള്‍ പകര്‍ത്തിയതാണ് ഈ ചിത്രം.

--
Image Details
Make: Canon
Model: Canon PowerShot S3 IS
Color: sRGB
Shutter Speed: 1/30 sec.
Lens Aperture: F/3.5
Focal Length: 64.7 mm
Date Picture Taken: 12/01/2008 10:22 PM
Flash: Not Used

--

Keywords: Madhavan Bhattathiri, Kathakali Singer, Ponnani, Chengila, Musician

--
Next Photo Last Photo Go Home
 
Google+