കൂടിയാട്ടം - കത്തി

സൂചന: ചിത്രത്തില്‍ മൌസമര്‍ത്തിയാല്‍, പൂര്‍ണ്ണരൂപം പുതിയ ജാലകത്തില്‍ ലഭ്യമാവും.

കഥകളിയുമായി വളരെയധികം സാമ്യമുള്ള മറ്റൊരു കേരള കലാരൂപമാണ് കൂടിയാട്ടം. കൂടിയാട്ടത്തിലെ രാവണന്റെ കത്തിവേഷമാണ് ചിത്രത്തില്‍. ഭാസന്റെ ആശ്ചര്യചൂഡാമണിയിലുള്ള അശോകവനികാങ്കത്തിലെ ‘ഉദ്യാനപ്രവേശം’ എന്ന ഭാഗത്ത്, അഴകിയ രാവണനായി സീതയ്ക്കു സമീപമെത്തുന്ന ലങ്കാധിപനെയാണ് മാര്‍ഗി മധു ഇവിടെ അവതരിപ്പിച്ചിരിക്കുന്നത്. കഥകളിയില്‍ നിന്നും വ്യത്യസ്തമായി, പിന്നണിയിലെ പദങ്ങള്‍ക്കു പകരം, ഇവിടെ കലാകാരന്മാര്‍ തന്നെ സംസ്കൃതശ്ലോകം ചൊല്ലി, അര്‍ത്ഥം വിസ്തരിച്ചാടുന്നു. കഥകളിയിലെ മനോധര്‍മ്മാട്ടത്തിനു സമാനമാണ് കൂടിയാട്ടം എന്നു പറയാം. മിഴാവ്, തിമില, ഇടയ്ക്ക, കൈമണി എന്നിവയാണ് കൂടിയാട്ടത്തിന് ഉപയോഗിക്കുന്ന വാദ്യങ്ങള്‍.

Image Details
Make : Canon
Model : Canon PowerShot S3 IS
Color : sRGB
Shutter Speed : 1/25 sec.
Lens Aperture : F/3.5
Focal Length : 17.7 mm
Date Picture Taken : 05/27/2007 12:06 PM
Flash : Used
--
Keywords: Koodiyattam, Keralam, Art Form, Culture, Ascharya Choodamani, Udyanapravesham, Asokavanikankam, Bhasan