ആമ്പല്‍ പൂവ് (Water Lily)

"നേരേ വിടര്‍ന്നു വിലസീടിന നിന്നെനോക്കി
ആരാകിലെന്തു മിഴിയുള്ളവര്‍ നിന്നിരിക്കാം!"

പാടത്തും കുളങ്ങളിലും ഇപ്പോള്‍ മനുഷ്യനിര്‍മ്മിത ടാങ്കുകളിലുമൊക്കെ വിടര്‍ന്നു വിലസുന്ന ആമ്പല്‍ പൂക്കളെ (ഇംഗ്ലീഷ് നാമം: Water Lily, ശാസ്ത്രീയ നാമം: Nymphaeaceae) കണ്ടാല്‍ ആരും ഒന്നു നോക്കിപ്പോവും. കുമാരനാശാന്റെ 'വീണപൂവി'ലെ വരികള്‍ ഇവിടെ അന്വര്‍ത്ഥമാവുന്നു. (ആമ്പല്‍ പൂക്കള്‍ ആരും തലയില്‍ ചൂടുവാന്‍ ഉപയോഗിച്ചു കണ്ടിട്ടില്ലായെങ്കില്‍ പോലും!) അമ്പതോളം വ്യത്യസ്ത ഇനങ്ങള്‍ ആമ്പലുകളുണ്ട്. കേരളത്തില്‍ കൂടുതലായി കണ്ടുവരുന്ന വെള്ള, നീല വകഭേദങ്ങളില്‍ നീല ആമ്പലാണ്‌ ചിത്രത്തില്‍ കാണുന്നത്. ശ്രീലങ്കയുടെ ദേശീയ പുഷ്പമാണ്‌ നീല ആമ്പല്‍, വെള്ള ആമ്പല്‍ ബംഗ്ലാദേശിന്റെയും. രാത്രികാലങ്ങളില്‍ വിരിയുകയും പകലാവുന്നതോടെ കൂമ്പുകയും ചെയ്യുന്നതിനാല്‍, ചന്ദ്രന്റെ സഖിമാരാണ്‌ ആമ്പല്‍ പൂവുകളെന്നാണ്‌ കവി സങ്കല്‍പം. ഫ്ലിക്കറില്‍ ഇവിടെയും ഈ ചിത്രം ലഭ്യമാണ്‌.

EXIF Data

Make: Canon

Model: Canon EOS 450D

Lens: Sigma 70-300mm F4-5.6 APO DG MACRO

Flash: Not Used

Focal Length: 214mm (35mm equivalent: 346mm)

Exposure Time: 0.00125s (1/800)

Aperture: f/9

ISO: ISO-400

Exposure Bias: 0 step